I Eidfjord har me tre gravplassar som er delt opp i ulike felt. Kvart felt har sin bokstav som viser plassering av feltet. Me har også ei urnelund tilknytt gravplassen på Modnen.
Gamlekyrkjegarden
Gravplassen rundt Gamlekyrja. Her er det teke i bruk to nye felt lengst aust på kyrkjegarden, felt J og K. Alle gravminna som står utanfor felta er bevarte, også i felta J og K står det ein del bevarte gravminne.
Kyrkjetræet gravplass
Den nyaste kyrkjegarden, denne ligg mellom Gamlekyrkjegarden og Kyrkjevegen. På denne kyrkjegarden finn ein felta E – F – G og H
Modnen gravplass
Gravplassen på Modnen. Her finn ein felta A, B C og D. Mot aust ligg den eldste delen (D – feltet) eit utval av gravminna på dette feltet er teke med i bevaringsplanen for gravplassane i Eidfjord. Også nokre få av gravminna på dei andre felta er med i bevaringsplanen.
Eidfjord minnelund
Park tilknytt gravplassen på Modnen, med plass for urner. Ein skjerma og roleg stad der ein kan setje seg ned og kanskje minnast nokon som er borte. Alle er velkomne til å bruke parken. Hundar i band er også velkomne, men pass på at hunden ikkje går ut i den fristande dammen. (Damduken er var for hundeklør)
Til deg som vitjar gravplassane
Alle er velkomne til å vitja gravplassane i Eidfjord. Gravplassane sin eigenart tilseier at opphald og ferdsel må skje med vørnad.
Hundar skal haldast i band.
Kart over gravplassane
